Metrorail Wes-Kaap se treindiens deels herstel ná vandalisme

Metrorail Wes-Kaap se treindiens deels herstel ná vandalisme

Metrorail in die Wes-Kaap sê treindienste is gedeeltelik herstel ná erge ontwrigtings wat veroorsaak is deur opsetlike beskadiging tussen die stasies Bellville en Tygerberg. Operasionele lyne sluit nou die Kaapse Vlakte in, Kaapstad na Heathfield via Athlone en die Suidelike lyn, en Kaapstad na Vishoek via Wynberg. Pogings is aan die gang om die Sentrale lyn te herstel. Die woordvoerder, Zinobulali Mihi, sê tegnici werk reeds die hele dag om die lyne te herstel na die gebiede wat nog geraak word.