Miller, Beers ‘n gedugte wen-kombinasie

Miller, Beers ‘n gedugte wen-kombinasie

Namibiese fietsryer Alex Miller het twee weke ná sy individuele triomf in die 121 km eendag Attakwas Extreme-ren naby Oudtshoorn meer sukses met Matt Beers, sy nuwe Toyota Specialized-spanmaat, gevier. Hulle het die Momentum Medical Scheme Tankwa Trek, Suid-Afrika se voorste vierdaagse bergfietsspanwedren, in die Wes-Kaap gewen. Beers het sy 2023-wenpoging herhaal deur drie skofoorwinnings op pad na die 2024-titel te behaal, saam met spanmaat Miller. Die Suid-Afrika/Namibiese kombinasie sien uit na meer seges.