Moontlike Bok-oorwinning vandag, as statistieke reg is – Kosmos 94.1

Moontlike Bok-oorwinning vandag, as statistieke reg is

Die statistieke is nie in die Pumas se guns wanneer hulle vanmiddag in ʼn Rugbykampioenskapstoets teen die Springbokke op Ellispark in Johannesburg te staan kom nie. Die Pumas het die Bokke in 2015 laas in Suid-Afrika geklop en die Hoëveld is nie ʼn gelukkige jagveld vir hulle nie. Suid-Afrika het hulle in 1994 oortuigend verslaan op Ellispark, in 2002 in Springs, in 2013 op die FNB-stadion en in 2014 en 2019 op Loftus Versfeld. Indien die Wallabies die All Blacks vanoggend onverwags klop, sal ʼn oorwinning oor die Pumas die Springbokke die titel besorg.