‘n Kraak wat deur Afrika vorm kan die vasteland in twee verdeel

‘n Kraak wat deur Afrika vorm kan die vasteland in twee verdeel

Wetenskaplikes waarsku dat ‘n massiewe kraak of skeur wat deur Afrika vorm, die vasteland in twee sal verdeel en die aarde se sesde oseaan sal vorm.

Lande langs die suidoostelike kus sal glo ‘n reuse-eiland word, wat ‘n nuwe see van Ethiopië tot Mosambiek kan skep.

Die sogenaamde Oos-Afrikaanse-skeur het ten minste 22 miljoen jaar gelede gevorm, maar het oor die laaste paar dekades aktiwiteit getoon – ‘n kraak het in 2005 langs die woestyn van Ethiopië verskyn en word teen ‘n tempo van 2,5 sentimeter per jaar groter.

Dit is die gevolg van twee tektoniese plate wat van mekaar wegbeweeg, maar die presiese meganisme was tot nou nie ten volle verstaan nie.

‘n Onlangse studie het nou bevind dat ‘n massiewe uitwerping van oorverhitte rots wat uit ons planeet se kern opkom, die skeur dryf.

Terwyl Afrika na verwagting nie vir ten minste nog 5 miljoen jaar sal skeur nie, sal Somalië en die helfte van Ethiopië, Kenia en Tanzanië ‘n nuwe kontinent vorm wanneer dit gebeur.

Foto: Verskaf