Namibië stel ambisieuse teikens vir elektriese voertuie – Kosmos 94.1

Namibië stel ambisieuse teikens vir elektriese voertuie

Namibië het ambisieuse teikens gestel om oor te skakel na ‘n groener en meer volhoubare vervoerstelsel om 96 500 ligte elektriese voertuie teen die jaar 2025 in die land te hê. Hierdie stap is Namibië se verbintenis om kweekhuis-gasvrystellings te verminder, veral van die vervoersektor. Volgens ‘n onlangse studie van ‘n konsultant van die Verenigde Nasies se Ontwikkelingsprogram Emmanuel Muzingwani, moet Namibië ten minste 2 678 elektriese voertuie per jaar op die pad kry om dié teiken te bereik. Namibië het volgens Natis meer as 11,785 miljoen voertuie op die paaie. Volgens The Brief het Namibië tans ongeveer 100 elektriese voertuie, met die Nissan Leaf wat die elektriese voertuigmark in die land oorheers. Intussen werk Namibië aktief daaraan om laaistasies regoor die land op te rig.