Noord-Koreane stuur Travis King huis toe

Noord-Koreane stuur Travis King huis toe

Travis King, die Amerikaanse soldaat wat Noord-Korea in Julie binnegehardloop het, is in Amerikaanse aanhouding en is op pad huis toe nadat hy deur Noord-Korea na China uitgesit is. Besonderhede oor die diplomasie wat tot King se uitsetting gelei het is nie beskikbaar nie. Die 23-jarige King het op 18 Julie skielik vanuit die suide Noord-Korea binnegestorm terwyl hy op ‘n burgerlike toer deur die Gesamentlike Veiligheidsgebied op die sterk versterkte grens tussen die bure was. Noord-Korea se KCNA staatsnuusagentskap het gesê King is uitgesit nadat hy erken het dat hy Noord-Korea onwettig binnegekom het omdat hy “ontnugter was oor die ongelyke Amerikaanse samelewing”.