Oekraïne val militêre fasiliteit in Rusland met VSA-missiele aan
Oekraïne het vir die eerste keer langafstandmissiele wat deur Amerika verskaf is op Russiese grondgebied afgevuur, het die Russiese regering gesê. Dit het gekom ‘n dag nadat Washington sy toestemming vir sulke aanvalle gegee het. Amerikaanse amptenare het ook die gebruik van die Army Tactical Missile System, Atacms, bevestig aan CBS News. Rusland se verdedigingministerie sê die aanval het Dinsdagoggend die Bryansk-streek wat aan die Oekraïne grens, geteiken. Vyf missiele is afgeskiet en een beskadig, met fragmente daarvan wat ‘n brand by ‘n militêre fasiliteit veroorsaak het. Rusland se buitelandse sake-minister, Sergey Lavrov, het Washington daarvan beskuldig dat hy die konflik probeer eskaleer.