Olwoodi la xulu – The Namibian

Omafiku okuhondama a Nico Rebebe oo a li nale ha longele oBank Windhoek okwa li eya pexuli oshivike sha dja ko mEtine eshi opolifi kwa li ya vakelwa ko kutya okwa alukila modoolopa noku li keumbo lakaadona waye mOpuwo.

Ashike nee, opolifi oya ti kakadona waye haye ei vakela ko kutya oku li peni. Rebebe ota feekelelwa oshimaliwa osho kwa li sha kana mombaanga shi fike peemiliyona mbali. Opolifi oya koleka kutya omupopepi naRebebe umwe oye ei kufila ko.

Omuunganeki womakonaakono oimbuluma koKunene omupedu komufala Paavo Iyaambo okwa koleka kutya Rebebe (30) okwa mangwa po.

“Ashike nee, opolifi inai mona nande ongodi okudja kokaadona kaye, ouyelele otwe u mona okudja komunhu e lili ndee ine liyandja nande kopolifi ngaashi tashi popiwa, opolifi oyo ye mu kwata po,” Iyaambo osho a ti ngaho.

Ondajai yoita yokoKunene komufala James Nderura okwa ti Rebebe okwa li a ningilwa oshinangela kopolifi.

Nderura okwa ti, manga ina kwatwa po, opolifi okwa li ya vakelwa ko kutya Rebebe omo e li modoolopa nokwa li a hala okwiitwala kopolifi yemwene.

Nderura okwa ti Rebebe okwa kala a honda ma moAngola omanga ina alukila kOpuwo.

MuJanuali, opolifi okwa li ya tya tete Rebebe okwa vaka eemiyolona omafele avali koshitai shoBank Windhoek kOpuwo.

Ashike nee, omukulunhuwiliki woBank Windhoek, Baronoce Hans, okwa ti oshimaliwa eshi kwa li sha kana okwa li shi shona, kashi fike nopeemiliyona mbali.

“Omapandulo otaa i komunailonga a nuka po waBank Windhoek, kapwa li nande oshimaliwa shomunhu kwa li sha kumwa pefimbo loshiningwanima eshi,” Hans osho a ti ngaho.

Konima yomafiku a shona, ovafeekelwa vahamano okwa li va kwatwa po koRundu, navakwao vavali mOpuwo.
Eedula dovafeekelwa okudja po22 fiyo 30.

Okwa li tava feekelelwa okukengelela noumbudi.

Aveshe okwa li va anyenwa obooloha konima eshi kwa li va holoka komhangu noshibofa okwa li sha undulilwa komesho komafiku 11 Apilili shi na sha nomakonaakono a wedwa po.

Pefimbo opo, ndjai yoita wokoKavango omupedu komufa, Eino Nambahu, okwa li a lombwela oThe Namibian kutya omiliyona imwe oshinghwanyu nhano okwa li ya hangika keembanga dovafeekelwa vatatu, omanga oN$200 000 kwa li ya hangi keembanga dovafeekelwa vakwao vatatu ovo aveshe kwa li va kwatelwa koRundu.

“Natango okwa li kwa tiwa Rebebe okwa li a ya kovafeekelwa ovo, teva udanekele oilonga kofaalama, nokwa li e va lombwela kutya ova pumbwa okuninga eembanga noBank Windhoek, oko ta kala ha futu oimaliwa yavo.

“Konima eshi eembanga kwa li da patululwa, oukalata okwa li eva kufa ko,” Nambahu osho a ti ngaho.

Omupopiliko wopolifi moNamibia, Kauna Shikwambi, oivike ya dja ko okwa li a koleka kutya ovanhu okwa li va kwatwa po shili.

“Ovanhu vavali okwa li va mangwa po kOkahao, vahamano okoRundu, umwe okwa li a kwa telwa kOshakati, umwe okOpuwo, umwe okOnamatanga naumwe mOvenduka,” Osho a ti ngaho.

Rebebe okwa li a tambulwa moshipangelo Etine molwoshuuka, konima eshi a mangwa po.

Opolifi oya itavela kutya Rebebe ina kala ta nu omiti daye omanga kwa li a hondama muJanuali.
Nderura okwa koleka okukwatelwa meembete kwa Rebebe.

“Eeno, okwa li a twalwa koshipangelo, shaashi kakwa li eudite nawa. Okwa alukila koshitaashi shopolifi, ashike nee, okwa li a shunwa koshipangelo nokwa li a tulwa meembete. Okwa li odu woshuuka. Ondi wete kutya ka li ta nu omiti daye opo kwa li a hondama,” Nderura osho a ti ngaho.1515