Martin Shipanga, ngoka oye mwene gworadio yomOndangwa yedhina Shipi FM, okwe ekelehi omapopyo kutya gumwe gwomaaniilonga ya longela ethimbo oradio ye, okwa tidhwa mo miilonga.
Ndhoka Shipanga okwe dhi popi oshiwike sha zi ko, sha landula sho omuniilonga nomuwiliki gwoopolo- halama moShipi FM, Gustaf ‘DJ Gee’ Sheehama, a kanitha iilonga nokwi ihulu miilonga oshiwike sha zi ko.
Oradio yoShipi FM oyi li oshitay- ingeshefa shehangano lyomunangeshe- fa Shipanga lyedhina Shipanga Hold- ings ndyoka wo li na iitayingeshefa yilwe ngaashi Tusk Investments, Shipanga Medical Services, Shipanga Security Services, Mama Fresh, Shipanga Property Portfolio, Shipanga Farming and Game Farm – okutumbula po ashike yimwe.
Mwene gworadio ndjoka okwa popi kutya otashi pukitha okupopya kutya DJ Gee okwa tidhwa mo miilonga, omanga paushili a lalekwa miilonga kohi yOkatendo 34 kOveta yAaniilonga, pamulandu ngoka kutya ehangano olya tokola okulaleka mo aaniilonga yamwe mehangano molwashoka otali shongola pamahupilo.
DJ Gee opamwe naaniilonga pamwe mboka yu uvite uukwawo wa nankali pamwe naye oya holola okwaauvanawa kombinga yomuhona gwawo ngoka ya popi kutya oye wete a tidha miilonga DJ Gee pwaana etompelo lya sha.
MEtine lya zi ko oradio yoShipi FM oya penduka kaayi uvitike mombepo molwashoka aaniilonga pamwe naDJ Gee ye li yaheyali okwa li ya ndjike oonyala mevi okuya kiilonga omolwe- kutho miilonga lye.
Ekanka ndyoka oye li ningi noku- popya kutya itaya longo omanga inaaya pewa etompelo kutya omolwashike omuniilonga pamwe a lalekwa mo miilonga pwaana etompelo lya sha.
Aaniilonga yoShipi FM pethimbo ye li mekanka ndyoka mEtine ethimbo lyongula oya popi kutya inaya tseyith- ilwa etompelo lya sha kutya omol- washike DJ Gee ‘a tidhwa’ miilonga, noya gwedha po kutya oye wete shi li mondjila nosha simana opo ya gandje uukwawo wa nankali kuye molwashoka oye na uumbanda kutya otashi vulika nayo ya ka kanithe iilonga pamukalo gwa faathana.
DJ Gee okwa li ha wilike opolohalama yongula hayi ithanwa ‘Penduka no- Shipi’, omanga mOosoondaha okwa li ha kala kopolohama yedhina ‘Ongendjo Tayi Tono’.
OMULANDU GWELALEKO MIILONGA
Pamukanda gwiikundandeki ngoka gwa pitithwa kuShipanga, mEtine, okwa yelitha kutya DJ Gee okwa lombw- elwa nawa nopamulandu gwoveta
yaaniilonga kutya ota lalekwa miilonga ongoshitopolwa shelaleko lyaaniilonga yamwe omolwonkalo yopamahupilo yehangano.
“. . . elaleko miilonga [lyaaniilonga] olyi ikwatelela komulandu gwom- alunduluko gwomutungilo mehangano lyaShipanga Holdings,” osho Shipanga a popi ngaaka.
Okwa gwedha po kutya DJ Gee okwa li a lombwelwa manga ku na omasiku 30 kutya ota ka lalekwa miilonga, naashoka osha ningwa pamulandu gwoveta yaaniilonga.
“Omusamane Sheehama [DJ Gee] okwa tseyithilwa elaleko miilonga ku na omasiku 30 . . . otwe mu tseyithile wo kutya ina pumbwa okuya kiilonga muule wethimbo ndyoka.Ashike nando ongaaka otatu mu futu ondjambi ye osho wo iifuta ayihe yiilonga mbyoka tu na oku mu futa,” osho Shipanga a popi ngaaka.
Okwa popi kutya DJ Gee okwa puki- tha nokutula iinima mumwe pakuyo- olola pokati kokulalekwa miilonga pa- mulandu omolwonkalo yopamahupilo osho wo okutidhwa miilonga.
Shipanga okwa yelitha kutya DJ Gee okwa lombwela nokuli nombelewa onene yehangano lyaShipanga Hold- ings mOvenduka kutya oti iyitha kein- dilo lyokuthiga po iilonga, nokiilonga otayi ko esiku lya landula.
Okwa popi kutya mEtine, DJ Gee okwa yi kiilonga nokwa kwa- tele komeho aaniilonga ooyakwawo poombelewa dhoShipi FM, okuholola omadhiladhilo.
Okwa popi kutya pethimbo lyeholo- lomadhiladhilo ndyoka, iikwaniipan- githo yimwe yoradio oya yonagulwa.
Shipanga okwa popi kutya ye kali nande a tseyithilwa sha kutya opu na ekanka lyi li pambelewa lyaaniilonga yoShipi FM.
“. . . kapwa li etseyitho lya sha lya gandjwa kombinga yoshinima shoka,
onkene . . . ngame itandi shi ithana nokuli kutya okwa li ya ninga ekanka,” osho
Okwa popi kutya ehangano lyo- Shipanga Holdings otali ka katukila onkatu yopaveta “kehe omaihumbato ngoka taga ka kala ga nyateka edhina lyoShipi FM”.
Ehangano lyo-Shipanga Holdings okwa li lya gandja etseyitho kOmbelewa yaKomufala gwAaniilonga momasiku 23 Maalitsa numvo kutya omolwonkalo yopamahupilo tayi kanda omapunya moshilongo nosha guma ehangano lyawo, oya tokola okulaleka miilonga aaniilonga yamwe opo owala ya hupithe ehangano.
Iitayingeshefa yimwe yoShipanga Holdings mbyoka mwa lelekwa nenge tamu ka lalekwa aaniilonga omolwonka- lo yopamahupilo omwa kwatelwa ngaashi Tusk Investments, Shipanga Medical Services osho wo Shipi FM.
“Ehangano olya thaneka okumani- tha omulandu ngoka [gwokulaleka miilonga aaniilonga yamwe] manga omasiku 31 Desemba 2023 inaaga pita,” osho omunambelewa gwiipambele yaa- niilonga mehangano ndyoka, Eva Liisa Kanyemba a shanga ngaaka.
EGWEDHELO LYOONDJAMBI
Aaniilonga mboka haya wilike oopolohalama moShipi FM oya popi kutya mOmaandaha ga zi ko, oya shangele omuhona gwawo ombapila taya indile egwedhelo lyooN$2 000 koondjambi dhawo.
Oya popi kutya ohaya kwata owala ondjambi yi li pokati kooN$2 500 nooN$4 500 komwedhi.
“Nonande ohatu longo nuudhiginini okuhumitha pombanda oradio yoShipi FM, onkene kaapu na etsomukumo, notuwete ongushu [yiilonga]
yetu inaayi simanekwa,” osho ya shanga ngaaka.
Oya popi kutya oshinima oshikwawo tashi uvitha nayi ooshoka kutya ohaya longele oradio ndjoka, ishewe onkene ya thiminikwa okulanda omuzalo gwiilonga, noya gwedha po kutya itaya idhidhimikile we “okutid- hwa miilonga shaali pauyuuki’.
Sha landula sho DJ Gee ‘a tidhwa miilonga’, aawiliki yamwe yoopolohama oya shangele Shipanga ombapila okuholola okwaauvanawa kutya oshe ya kumitha noye shi uvitile nayi oku uva omuniilonga pamwe a kanitha iilonga inaaya tseyithilwa etompelo lya sha.
“Ngele DJ Gee okwa kala inaa shunwa miilonga, nena natse natu tidhwe owala miilonga,” osho ya shanga ngaaka.
DJ Gee mEtine lya zi ko pethimbo ye li pehololomadhila- dhilo pondje yomatungilo goShipi FM mOndangwa, okwa lombwele iikundaneki kutya ina lombwelwa kutya omolwashike ‘a tidhwa mo’ miilonga. DJ Gee okwa popi kutya okwa kala ta
longele oradio ndjoka uule woomvula tadhi ihiile puhetatu.
Lwanima mEtine, aaniilonga yaheyali mboka ya li ya taya yambidhidha omu- niilonga pamwe sho ‘a tidhwa miilonga pwaana etompelo’ oya shuna miilonga nongashingeyi oradio oyi li kolutenda.
Leave a Reply