Omulumenhu omunaulema a dipawa

“Oto ponokele omunhu e na oulema ngahelipi, ita dulu nokuliamena?”

Eli epulo olo la kala momutwe waMagdalena Swartbooi konima eshi omonamati Benedict Swart- booi, oo kwa li e na oulema, kwa li a ningilwa omahepeko kovalumenhu vavali ndele tave mu ye po a fye koMaltahohe moma ku 14 Marsa.

Benedict (30) okwa li ha endele komhamango shaashi okwa li e na okaulu ke na oulema.

Me ku olo, ka li nande ta dulu okufaduka po ovanhu ovo ve mu ningila omunyonena, eshi ve mu denga komutwe nomamanya.

“Pe mbo olo, eshi kwa li ndi mu shona eshi kwa li handi longo, Benedict oye kwa li e lineekelo lange nomuvateli wange. Eshi nda kulupa ame ohandi vele, oye kwa li omaoko nomaulu ange.

Ngee nda kala omutumba, oha tumbu nge po. Ongula oha tema omundilo ndee ta ningile nge otee. Okwa li twa tala ashike mopendjela yaye youlema, ashike omunafaalama umwe okwe ya nde ta xupipaleke onghalamwenyo yaye, onda uda nai neenghono, nonda wa ndihe na oitya mokanya kange,” Swartbooi osho a ti ngaho momapulaapulo oshivike sha dja ko.

Opoli oya manga ovanafaalama vavali – Henry Vermeulen (51) naHein Franco van der Wath (25) – ovo kwa li va holoka momhangu yamages- trata yaMaltahohe komesho yomhupanguli Evelyn Stephanus Etivali loshivike sha dja ko molwoshibofa shedipao, okuhepeka nehalo lokweehameka.

Omushiiviveta wepangelo Loide Nghixulifwa okwa li a kalela po epangelo. Oshibofa okwa li sha undulilwa komesho koma ku 17 Juni novafeekelwa ove li modolongo omanga opoli tai ningi omako- naakono a vedwa po.

Omukulunhu wopoli komufala Elias Kuwinga okwa ti Bernedict okwa li taende mokatemba keenghambe ta di kofaalama yedina Rooi Dam koMaltahohe, a yuka kofaalama yaedina Hoffnung lwopo16h00 nomumwainamati Niklaas Swartbooi naxekulu Johannes Swartbooi.

Ovalumenhu ovo vatatu okwa li va hala okupita mofaalama yedina Betha ashike kakwa li va pewa epitikilo ndee tava tokola opo va longife ondjila imwe i lili.

Kuwinga okwa ti mondjila yavo eshi tava aluka koBetha va yuka koDuwiseb Castle mondjila yo- holondo yoD824, okwa li vati va tula opo va fude po pomunghulo wondjila. Omanga tava fuda po,

ovalumenhu vavali ve li mohauto ova kanghama ndee tave va pula kutya otava ningi mo shike mokamba yavo, opo va nyamukula kutya otava fuda po ashike.

“Ovalumenhu ovo vavali ovalonduluka mo mo- tuwa ndee tava tameke okuva denga. Ovalumenhu venya vavali ova faduka po eshi vanuka oshipa, ashike nakufya okwa li oshingudu ka li ta dulu okufaduka po pe mbo opo. Ovalumenhu ovo vavali ova tameka okumudenga nomamanya komutwe ndele tave mu ye po,” Kuwinga osho a ti ngaho.

Okwa weda po vali ta ti ovalumenhu vavali ovo kwa li ve li nanakufya eshi va aluka konima yoka mbo, ova hanga tadi ohonde.

Okudja opo Benedict okwa lopotwa kutya okwa ya komipepo nokwa li a monika kutya okwa xulifa komupangi oo kwa li e ya poshiponga.

“Kakwa li ta dulu okunuka oshipa ndee ta faduka po ngaashi vakwao va ninga. Okwa li ta endele komhamango. Ove mu ya ashike opo ndele tava shingi va ye, omanga ovamati vange kwa li tava kongo evatelo. Ovanafaalama kave na naye shaashi omulaule, oshingudu, fyee noho otwa hepa. Ashike oye keshe shimwe shange kwa li,” Meme waye osho a ti ngaho.

Keshi kutya Benedict, otave mupake ngahelipi, shaashi efyo laye ole va hanga inave lilongekida nota pula evatelo.

Okwa pula evatelo kuKalunga opo e mu vatele pe mbo longhalo ei i djuu. Okwa indila natango opo Kalunga a vatele ovafeekelwa ava vavali, osho a ti ngaho.

Omukulu waBenedict okwa ti okwa li ve li mondjila tava ka talela po tatekulu wavo opo ve ke mu vatele mofaalama yaye.

Ondjila oyo ya ya kofaalama yatatekulu waye oya pita moBetha, ashike eshi kwa li va anyenwa opo va pite mo, ova kufa ondjila i li kokule neekilomita nhatu noBetha, opo kwa li va tokola okuninga okamba opo va nangale po ou ku oo.

Apa opo nee ovafeekelwa va mona eenghabe davo, Niklaas osho a ti ngaho.

“Ovashuna monima eshi va mona eenghambe detu. Fye naJohannes otwa enda twa yuka kodalate opo tu pwiikine eshi kwa li tava ti. Okwa li ta tukana. Okwa nana nge mo ngo nokambidja kange ndee ta denge nge kokanya. Onda kondja ndee handi linyeke ko kuye. Onda faduka po, ndee naJohannes ta faduka po. Ashike pe mbo opo Benedict okwa lie ya popepi ndee ta dengwa nemanya. “Onda kala omutumba nomumwainamati wange mu shona ndihe shi eshi handi ningi oule weevili nhatu. Otwa mona kutya oshipute okwa li sha ya moule. Okwa li tashi di ohonde nai. Pe mbo opo ovafeekelwa natango okwa li opo ve li. Ova ti: ‘Agh, katu na ko nasha. Otamu dulu nande okuli mu ye mu ka lopote. Ota dulu okufya osho ashike tu na nasho, ndee tava shingi va ye,” Niklaas osho a ti ngaho.

Konima ye mbo, okwa ti okwa ka tala ongodi yaye mokatemba ndee ta dengele ofamili yaye nopoli ei lombwele.

Tatekulu waBenedict, Johannes okwa ti okwa tila okufya ongomunailonga mofaala mu shona.

“Omunafaalama okwa ti eli edu laye. Okwa li ndishi ohatu ende mopate yepangelo notu li twa mangula moshilongo omu ashike inatu manguluka.

Otwe liufa komalombwe eshi ve tu anyena tupite mofaalama yavo ndele hatu i. Eefaalama nhatu di li kokule navo, ove tu hanga ve ya ashike okudipaya mumwameme ponhele opo kwa li hatu ongele oikuni tu twaalele keumbo fyee hatu fuda po.

“Ou ku oo kakwa li hatu dulu okukofa shaashi eshi hatu pate omesho etu, otwa fa ashike tu udite ohonde yaBenedict tai tondoka ya fa okapomba kapatuluka. Otwa pandula ofamili yetu novanhu vo- momudingonoko eshi ve tu indilila eshi twa aluka.” Ovapoli nomhupangi ovo va dja koMaltahohe ova ti Benedict okwa xulifa, Niklaas osho a ti ngaho. “Mumwameme okwa la momaoko ange. Omu- lumenhu ou kwa li e na ondjodi yokutungila meme wetu eumbo nokandjuwo opo aha kale ta ende vali oshinano shile a yuka moixwa. Omulumenhu ou kwa li ha kombo momudingonoko weumbo, ha tekele oimeno nokwa li hetu yolifa atushe meumbo

neendanisa daye dokomhamango.”