Onbetaalde lenings oorheers mosiehofrol – Kosmos 94.1

Onbetaalde lenings oorheers mosiehofrol

Onbetaalde lenings het die twee mosiehofsessies vanoggend oorheers. Daar was ‘n totaal van 115 aansoeke vir uitstaande skuld op die rol waarvan 68 deur kommersiële banke gebring is. Hiervan was 44 in verband met lenings waarop net minder as 17,6 miljoen Namibiese dollar geskuld word. Banke eis ook 22 eiendomme met ‘n uitstaande waarde van 26,5 miljoen dollar en twee voertuie moet terugbesorg word. Die twee regters, Collins Parker en Eileen Rakow het ook 13 reël 108 aansoeke op die rol hanteer. In Maandag se mosiehof hanteer regter Esi Schimming-Chase 42 onverdedigde egskeidings.