Onder-19 mans berei voor vir IKR-wêreldbeker

Onder-19 mans berei voor vir IKR-wêreldbeker

’n Afskeidsfunksie is vir Namibië se onder-19-mans krieketspan gehou, voor hulle na Suid-Afrika vertrek om aan die onder-19 krieketwêreldbeker deel te neem. Verdedigende kampioene, Indië, sluit aan by Bangladesj, Ierland en die VSA in Groep A. Groep B bevat Engeland, Suid-Afrika, Wes-Indiese Eilande en Skotland. Groep C bestaan uit Australië, Sri Lanka, Zimbabwe en Namibië terwyl Afghanistan, Pakistan, Nieu-Seeland en Nepal Groep D uitmaak. Sri Lanka was aanvanklik die gasheerland, maar dit is later na Suid-Afrika verskuif weens daardie land se skorsing van Internasionale Krieketraad. Die toernooi duur van 19 Januarie tot 11 Februarie.