Onwaarskynlik dat taxibestuurs terugkeer werk toe – Kosmos 94.1

Onwaarskynlik dat taxibestuurs terugkeer werk toe

Die Nasionale taxi-raad Santaco sê dit is onwaarskynlik dat taxibestuurders môre sal terugkeer werk toe. Die provinsiale sekretaris, Ryno Saaiers, sê daar is nog nie vordering gemaak met die onderhandelings oor die taxi-staking nie. Hulle sou vanoggend met die minister van vervoer vergader het maar dit het nog nie gebeur nie. Die taxi-raad het verlede week Donderdag begin staak, en die staking sou tot vandag voortduur. Minstens vyf mense is sedert Donderdag dood in voorvalle wat met die staking verbind word. ‘n Aantal busse en ander voertuie is ook aan die brand gesteek, voertuie is met klippe bestook en tienduisende pendelaars is gestrand gelaat. Sowat 120 mense is in verband met openbare geweld in hegtenis geneem.