Polisiebeampte in hegtenis na skietery Sondag

Polisiebeampte in hegtenis na skietery Sondag

NamPol in die Kavango-Oos-streek het Dinsdag die polisiebeampte in hegtenis geneem wat na bewering Sondag ‘n burgerlike in die maag by Gcacana-dorpie geskiet en gewond het. NamPol se streeks-misdaadondersoek-koördineerder, adjunkkommissaris Bonifatius Kanyetu, het Woensdag gesê die polisiebeampte is gearresteer en aangekla van poging tot moord en regsverydeling. Kanyetu sê die beampte het versuim om homself in te dien vir ‘n residu-ondersoek, wat regsverydeling verteenwoordig, aangesien hy van diens af was ten tyde van die voorval. Hy moet Donderdag in die Rundu-landdroshof verskyn.