Regering besit 3,4% van Rössing Uranium – Kosmos 94.1

Regering besit 3,4% van Rössing Uranium

Die besturende direkteur van Rössing Uranium, Johan Coetzee, sê dat die Namibiese regering 3,4 persent van die maatskappy besit, maar 50,1 persent van die stemkrag het. Ander aandeelhouers sluit in China National Uranium Corporation met 68,6 persent, Iran Foreign Investment met 15,3 persent, Industry Development South Africa 10,2 persent, en ‘n onafhanklike minderheidsbelang van 2,5 persent. Rössing Uranium voer geel uraan-konsentraat uit na Noord-Amerika, China, Kanada, Europa en Suid-Afrika. Rössing het 47 jaar gelede bedrywighede begin en het 927 mense in diens, van wie 98 persent Namibiërs is, met 23 persent van die arbeidsmag wat vroue is.