Reuse-reddingspan om man, 1km ondergronds, te red – Kosmos 94.1

Reuse-reddingspan om man, 1km ondergronds, te red

Meer as 150 reddingswerkers haas om ‘n Amerikaanse man te bereik wat siek geword het en sowat 1 000 meter ondergronds vasgekeer is in ‘n grot wat hy in die suide van Turkye verken het. Mark Dickey, 40 jaar oud, was op ‘n internasionale verkenningsending in die Morca-grot in die Taurus-berge toe hy gastroïntestinale bloeding ontwikkel het. Verskeie internasionale spanne dra by. Daar word verwag dat die reddingspoging tot tien dae sal duur.