Rose & Rozner loop voor by Britse Meesters – Kosmos 94.1

Rose & Rozner loop voor by Britse Meesters

Justin Rose van Engeland het teruggeveg na ‘n swak begin in sy tweede ronde om Vrydag by die halfpadmerk gesamentlik voor te loop in die Britse Meesterstoernooi by The Belfry. Rose was aan die begin van die dag een hou voor en het ‘n een-oor-baansyfer-73 by sy openingsronde van 65 gevoeg om gesamentlik voor te loop met die Franse speler Antoine Rozner. Rose was vier-oor-baansyfer vir die dag na 11 putjies, maar het oor die laaste agt putjies vier voëltjies aangeteken om bo-aan die telbord te bly. Rozner het vier voëltjies behaal in sy vier-onder-68 nadat hy geopen het met ‘n ronde van 70.