Ruacana se goeie vertoning duur voort, verligting vir NamPower

Ruacana se goeie vertoning duur voort, verligting vir NamPower

Reënval in die Angolese hoogland veroorsaak op die oomblik dat die Kunene-rivier uiters goed vertoon. Die laaste opdatering deur NamPower meet die vloei by die Ruacana-hidroëlektriese aanleg op amper 648 kubieke meter per sekonde. Dit is uiters goed vir die tyd van die jaar wanneer die gemiddelde tussen 100 en 200 kubieke meter per sekonde is. Volgens voorspellings sal verdere reënval in die komende dae in die opvangsgebied voorkom wat vloei in die Kunene sal ondersteun. Dit is natuurlik baie goeie nuus vir NamPower wat die afgelope tyd sukkel met duur kragaankope deur die sogenaamde Suider-Afrikaanse kragpoel as gevolg van Eskom se voortslepende uitdagings. Vloei by Ruacana bereik normaalweg sy piek tussen Januarie en Mei maar, met voorspellings vir swak reënval volgende jaar, is dit onbekend wat sal gebeur.