Rundu pleit vir afskryf van NamWater-skuld van N$211 miljoen – Kosmos 94.1

Rundu pleit vir afskryf van NamWater-skuld van N$211 miljoen

Die Parlementêre Staande Komitee oor Menslike Hulpbronne en Gemeenskapsontwikkeling besoek al 14 streke om te sien hoe die probleem van water- en elektrisiteitskuld wat plaaslike owerhede aan NamWater en NamPower verskuldig is, opgelos kan word. In die Kavango-Oos-streek het die Rundu Concerned Citizens Association by die komitee gepleit om die dorp se waterskuld van 211 miljoen Namibiese dollar aan NamWater te laat afskryf. Die voorsitter, Reginald Ndara, wat ook as raadslid by die Rundu-dorpsraad dien, het die pleidooi tydens ‘n openbare verhoor gelewer na aanleiding van ‘n mosie wat in 2022 deur Landless People’s Movement-parlementslid, Henny Seibeb, ingedien is vir NamWater om afstand te doen van historiese skuld deur plaaslike owerhede van tot 1,8 miljard dollar.