Russiese owerhede arresteer omstrede blogger
Russiese owerhede het ‘n uitgesproke pro-oorlog blogger, Igor Girkin, in aanhouding geneem. Girkin staan ook as Strelkov bekend. Sy vrou sê hy is by hul woonstel in Moskou in hegtenis geneem en van ekstremisme aangekla. Strelkov is ‘n voormalige intelligensiebeampte wat ‘n sleutelrol gespeel het in Rusland se anneksering van die Krim-gebied in 2014. Hy het ook pro-Russiese magte gelei in die daaropvolgende oorlog in die ooste van Oekraïne. Hy is een van drie mans wat in November in absentia deur ‘n Nederlandse hof skuldig bevind is aan moord vir sy rol in ‘n missiel-aanval wat daartoe gelei het dat vlug MH-17 van die Maleisiese lugdiens in 2014 neergestort het, met 298 mense aan boord. Strelkov het al ‘n geruime tyd skerp kritiek uitgespreek teen Rusland se militêre mislukkings in Oekraïne en President Vladimir Putin se hantering van die oorlog.
Leave a Reply