Saak van moord op Duitse toeris uitgestel

Saak van moord op Duitse toeris uitgestel

Drie Zimbabwiërs wat daarvan beskuldig word dat hulle ‘n Duitse toeris in Limpopo vermoor het, moet volgende Maandag na die Northam-landdroshof terugkeer. Jan Moshabi, Abstein Madzvimbo en Thomas Moyo staan tereg op aanklag van moord en oortreding van die Immigrasiewet nadat die 74-jarige Herman Westphal die afgelope naweek in die dorp aangerand en vermoor is. Die Nasionale Vervolgingsgesag se woordvoerder, Mashudu Malabi-Dzhangi, sê die saak is uitgestel sodat die beskuldigdes regsverteenwoordiging kan kry.