Sinner pak Fritz vir ATP-finaal-kroon
Tennis: Die Italianer Jannik Sinner het gister in Turyn met 6-1, 6-2 klaargespeel met Casper Ruud van Noorweë. Hy het voor ‘n geesdriftige tuisskare deurgedring na die beslissende wedstryd van die ATP-finaal teen die Amerikaner Taylor Fritz. Fritz, wat die eerste Amerikaanse Finaal-wenner wil word sedert Pete Sampras, het seker gemaak van sy plek met ‘n opwindede oorwinning oor Alexander Zverev in die ander halfeindstryd. Dit gee hom die kans om wraak te neem teen Sinner, wat hom geklop het in die eindstryd van die Amerikaanse Ope.