Sodomie-wet draai weer in die hof voor 3 regters

Sodomie-wet draai weer in die hof voor 3 regters

Friedel Dausab, wat die sodomie-wet in Namibië in die hoërhof uitdaag, se saak verskyn weer vanoggend in die hoërhof voor regter Shafimana Ueitele. Die saak is reeds verlede jaar gebring teen ministers van justisie en binnelandse sake, sowel as die aanklaer-generaal en die prokureur-generaal. Dausab voer aan dat die twee gemenereg-misdade, sodomie en onnatuurlike seksuele misdrywe, voortgaan om paartjies van dieselfde geslag te stigmatiseer en te marginaliseer. Hy voeg by dit maak inbreuk op internasionale wette sowel as die grondwet. Hy sê die doel van die wette is om private gedrag van volwassenes te kriminaliseer. Regter Shafimana Ueitele het die saak tot vandag toe uitgestel vir verhoor. Regters Nate Ndauendapo en Claudia Claasen sal vandag by Ueitele aansluit omdat die saak oor grondwetlike kwessies handel.