Soektog na drenkelinge duur voort

Soektog na drenkelinge duur voort

Meer inligting is deur NamPol bekend gemaak oor die tragiese verdrinkings in Hentiesbaai. Volgens die polisieverslag was die slagoffers twee jong meisies van sowat 10 of 11 jaar oud, maar die ouderdomme moet nog bevestig word. Die meisies, Hilia Rashmie en Mary-Anne Mimie Mbok, is tussen 12-uur en 1-uur gistermiddag van die huis af weg saam met vriende om see toe te gaan. Hulle het in die water gespeel toe ‘n sterk golf die kinders meegesleur het. Die res van die groep het daarin geslaag om uit die water te hardloop, maar die twee meisies het tevergeefs gesukkel. Pogings om hul liggame te vind duur voort.