Suid-Afrika se o.19’s loop eindstryd mis

Suid-Afrika se o.19’s loop eindstryd mis

Die verdedigende kampioen, Indië, het na hul vyfde agtereenvolgende onder-19 Wêreldbeker-eindstryd deurgedring, nadat hulle Suid-Afrika met twee paaltjies op Willowmoorepark in Benoni geklop het. Danksy Lhuan-dre Pretorius se 76 lopies en 64 deur Richard Seletswane kon die gashere 244 vir sewe bereik. Indië het sy beurt wankelrig begin en vroeë paaltjies verloor, maar ‘n vennootskap van 171 tussen kaptein Uday Saharan en Sachin Dhas het die besoekers tot ‘n oorwinning gelei met nog sewe balle oor. Indië sal in die eindstryd teen of Pakistan of Australië te staan kom.