Suid-Korea, Rusland reik ook tsoenami-waarskuwings uit

Suid-Korea, Rusland reik ook tsoenami-waarskuwings uit

Suid-Korea en Rusland het ook tsoenami-waarskuwings uitgereik na ‘n 7,6-aardbewing die sentrale weskus van Japan getref het. Inwoners van Noko is deur die regering beveel om die gebied te ontruim en vir ten minste ses tot sewe ure weg te bly. Daar was verskeie naskokke en skade aan infrastruktuur is ook aangemeld. Die aardbewing is net na vier-uur namiddag, Japanese tyd bevestig. Dit is reeds donker en tans baie koud maar, internasionale media berig die situasie is tot op hede onder beheer. Die land is ervare met die tipe van natuurramp en is goed voorbereid. Terwyl ‘n tsoenami nog nie waargeneem is nie, is daar wel branders van tot 5 meter reeds by Noko aangemeld.