Swapo se ’24 veldtog uiters aktief, waar’s die ander?

Swapo se ’24 veldtog uiters aktief, waar’s die ander?

Terwyl ander politieke partye nog hul veldtogte vir volgende jaar se verkiesing amptelik moet afskop, is Swapo druk besig. Die party se presidensiële kandidaat, Netumbo Nandi Ndaitwah reis die hele land vol om ondersteuners toe te spreek. Sy is vandag by die Sam Nujoma-stadion in die hoofstad by ‘n jeugliga byeenkoms. Die saamtrek begin nou waarna die party na die Kavambo Nujoma-gemeenskapsaal in Katutura sal beweeg om die tempo van verstedeliking te bespreek. Die IPC het onlangs sy veldtog afgeskop maar die partyleier Panduleni Itula doen nie gereeld groot byeenkomste nie, en stap eerder deur gemeenskappe. Die LPM, PDM, Nudo en UDF is nog stil alhoewel laasgenoemde ‘n leierskapskongres aan die einde van die maand hou.