Omunandholongo gwomezulongalo lyondholongo yaVenduka, omusamane Patrick Gariseb, okwa mangululwa mo mondholongo nokushuna kegumbo lye molukanda lwaKuryangava, mOvenduka nenyanyu enene koshipala, sha landula oomvula e li mokalimosho. Gariseb (48), okwa mangululwa mondholongo konima ashike yoomvula hamano e li mongali nonande okwa li a pewa egeelo lyoomvula omuyogi. Omolwomaihumbato ge omawanawa manga e li mondholongo, okwa mangululwa...
