ONKALO yoongandu tadhi ponokele aakwashigwana pethimbo ndika omeya taga indjipala momulonga oye eta eikwato pomutima kaakwashigwana yomoshitopolwa shaKavango Uuzilo. Sigo oompaka aantu yatatu oya kanitha nale oomwenyo numvo sho ya ponokelwa koongandu moshitopolwa shoka. Miiningwanima ayihe mbyoka itatu oonakuninga iihakanwa oya adhika ya ka teka omeya komulonga gwaKavango. Oshiningwanima shotango osha ningwa mesiku lyomumvo omupe...
AAHINGI yomaloli ye li yaali oomvalele dhaZambia, mboka ya tulwa miipandeko oshiwike sha zi ko sho taku hokololwa ya dhenge eshenge mOmbaye, oya taalela oshipotha shonkambadhala yedhipago. Shabome Shiaimense (27) naJonathan Kamfwa (40) oya holoka mOmpangu yaMangestrata gwaMbaye, mOmaandaha. Omutamaneki gwepangelo Victoria Shikesho okwa lombwele ompangu kutya nakuninga oshihakanwa okuli monkalo ombwinayi nokwa taambelwa mokoma...
NONANDE opolisi omasiku ga zi ko oya gandja elondodho moshigwana opo shi kale sha lungama omolwomeya ngoka ge li moshitopolwa shaMusati, sha landula sho kwa li kwa lopotwa aanona ya si omeya, onkene omaso gaanona taga tsikile. Shoka osha landula sho kakadhona gwomimvo 11 a hulitha sho a gwile mondama onene tayi ithanwa Etaka, sha...
Omupeviperesitente gwongundu yoSwapo ngoka wo oye minista gomakwatathano gopaigwana nelongelokumwe Netumbo Nandi-Ndaitwah okwa holola okwaauvanawa kombinga yaanambelewa yOmelelo lyOshitopolwa shaShana mboka taku hokololwa ya mangwa omolwuulingilingi. Nandi-Ndaitwah okwa popi kutya “uulingilingi mboka uunene” owa monika melelo lyoshitopolwa shoka sha landula sho aanambelewa yamwe ya ningi onkambadhala yokutula moondjato dhawo oshimaliwa kwa li sha nuninwa okutunga...
Uuministeili wElongo, Uunkulungu nOmithigululwakalo owa tseyitha kutya aalongi ye li 17 okuza moosikola dha yooloka moshilongo, otaya ningilwa omakonakono ge na sha nomaihumbatonayi ga pamba okuya miihulo naanasikola. Uuministili owa lopota kutya iipotha ashike yi li ine ya manwa, omanga ayihe yilwe onkene yi li momake gomakonakono gokomisi yomayakulo gaaniilonga yepangelo. Omukuluntuwiliki gwoshimpungu shomapendulopo gelongo...
Aakalimo ya konda po50 000 moshitopolwa shaShikoto oya taalelwa konkalo yondjala ya yaga kegonga omolweteyo lya nkundipala lye etwa komuloka ngoka kwa li tagu nyangwaanyangwa numvo. Uuyelele mboka owu li oshitopolwa sholopota yaNamibia yo2023/24 yiimbapele yomapekapeko nendjandjukununo lyoonkalo dha yaga kegonga ndjoka ya ndulukwa po kombelewa yelelo lyoshitopolwa shaShikoto melongelokumwe nOmbelewa yOmuprimaminista, noya ningwa numvo....
Aaniilonga mboka taya yalula aantu nomagumbo moshilongo otaku hokololwa taya monithwa iihuna sho taya ponokelwa nokuningilwa omatilitho pethimbo taya kongo uuyelele womayalulo. Omuyaluli Thigiipo Haihambo (33) okwa popi kutya okwa ponokelwa kongundu yaalumentu yatano momudhingoloko gwaShakati Uuninginino moshitopolwa shaShana, ongulohi yEtitatu. “Oye ya kungame noya tameke taya kondjele ondjato yokombunda ndjoka ya li iilongitho yandje...
Elenga ekuluntu lyopamuthigululwakalo lyoshikandjo shaMhedi mOukwanyama, Hadino Hishongwa okwa popi kutya opu na aalumentu yamwe mboka kwa konekiwa taya yi miihulo niimuna ngaashi iikombo noondoongi. Okwi indile aakalimo ya lopote iiningwanima mbyoka kopolisi. Ndhoka Hishongwa okwe dhi popi pethimbo a talelepo omukwaniilwa gwelelelo lyopamuthigululwakalo gwOukwanyama meekulu Martha Kristian ya Nelumbu pegumbo lye momukunda Onekwaya moshitopolwa...