Transito-roof by Grove uitgevoer met groennommerplaat-Jetta

Transito-roof by Grove uitgevoer met groennommerplaat-Jetta

Die Namibiese polisie soek nog inligting oor die transito-rooftog maar, beide die streekswoordvoerder en die nasionale woordvoerder het die roof aan Kosmos 94.1 Nuus bevestig. Die roof het naby Grove Mall net na 10-uur plaasgevind en terwyl dit nog nie bekend is hoeveel geld gesteel is nie, is die ondersoekeenheid vir ernstige misdaad op die toneel. Daar was vyf rowers en een was met ‘n AK-47 gewapen. Hulle het weggekom in ‘n wit Jetta-sedan met ‘n groen nommerplaat, GRN 32911.