Trump-werknemer in hof na hy glo help om dokumente te versteek
‘n Werknemer van die Amerikaanse oudpresident, Donald Trump verskyn vandag in ‘n federale hof in Miami in verband met aanklagte dat hy Trump gehelp het om geheime dokumente te versteek ná Trump se termyn. Carlos De Oliveira, ‘n bestuurder by Trump se Mar-a-Lago landgoed in Florida, het na bewering probeer om beeldmateriaal uit te wis en het vir ondersoekers gejok. Hy word onder meer aangekla van regsverydeling. Tydens ‘n klopjag op die landgoed in Augustus verlede jaar het ondersoekers afgekom op meer as 300 geheime regeringsdokumente. Nog ‘n werknemer, Walt Nauta, is in Junie in verband met dieselfde oortreding aangekla. Trump ontken alle aanklagte.
Leave a Reply