Twee ontsnap uit Swakop-tronk – Kosmos 94.1

Twee ontsnap uit Swakop-tronk

Twee gevangenes, die 20-jarige vermeende verkragter, Ralph Uiseb en 31-jarige vermeende dief, Michael Goeieman, het ontsnap uit die aanhoudingselle by die Swakopmund-polisiestasie. Na bewering het die verdagtes die venster van die kombuis in die selle se gang verwyder, deur die venster ontsnap, oor die muur van die agterplaas gespring en verdwyn. Die Namibiese polisie versoek die publiek om enige inligting te verskaf wat kan lei tot arrestasie van die verdagtes. Die publiek word ook gewaarsku om nie die verdagtes in self in hegtenis te neem nie, maar hulle by enige naaste polisiestasie te rapporteer.