Twee vas vir whisky-smokkel
Die Namibiese polisie sê twee Namibiese mans tussen die ouderdomme van 35 en 45 sal vandag in die laerhof op Tsumeb verskyn na hulle in besit van onwettige whisky gevind is. Die twee is op die B1 tussen Omuthiya en Oshivelo voorgekeer. ‘n Totaal van 27 bokse Indica Royal whisky in bottels, ter waarde van amper 13 000 Namibiese dollar is gevind. Owerhede sukkel in die Noorde met die onwettige invoer van veral whisky en sigarette.