Unam ondersoek blykbaar misdrywe deur Amupanda – Kosmos 94.1

Unam ondersoek blykbaar misdrywe deur Amupanda

Die Engelse dagblad New Era berig dat Unam ondersoek instel na moontlike misdrywe wat deur Job Amupanda gepleeg is. Hy is as politieke wetenskap-dosent werksaam daar. Terwyl inligting skraps is, word daar beweer dat sy moontlike presidensiële kandidaatskap ‘n kwessie kan wees ingevolge sy werkskontrak. Daar word ook berig dat hy nie verklaar het dat hy ‘n salaris by die hoofstad se munisipaliteit verdien nie en het blykbaar die werk as gemeenskapsdiens verklaar, op ‘n pro bono-basis. Die universiteit ondersoek ook sy klasbywoning as dosent. Daar word beweer hy het talle klasse misgeloop. Die ondersoek kom na sy openbare rusie met die minister van hoër onderwys, Itah Kandjii-Murangi.