Valke is lus vir De Ruyter oor korrupsie ondersoek – Kosmos 94.1

Valke is lus vir De Ruyter oor korrupsie ondersoek

Die Spesiale Ondersoekeenheid oorweeg regstappe teen Eskom se voormalige uitvoerende hoof, André de Ruyter, omdat hy opdrag gegee het vir ‘n ongemagtigde ondersoek na korrupsie. Die eenheid en die Valke het die Parlement se staande komitee oor Openbare Rekeninge ingelig oor die intelligensieverslag, en onthul dat De Ruyter nie die gesag gehad het vir die ondersoek nie. Dit is gedoen deur die voormalige polisiekommissaris, George Fivaz, se onderneming. Die eenheid se hoof, Andy Mothibi, sê daar is ‘n moontlikheid dat De Ruyter aanspreeklik gehou sal word.