Vee, watervoorsiening lyk nie belowend nie – landbou – Kosmos 94.1

Vee, watervoorsiening lyk nie belowend nie – landbou

Die Namibiese landbouministerie sê die voorkoms van vee in die Karas- en Hardap-streke wissel van redelik tot swak. In sy  Vooruitsig-, Voedselsekerheid- en Droogtesituasie-verslag, sê die ministerie dat vee se liggaamstoestand baie swak is rondom die Kalkrand-gebied in die Hardap-streek in vergelyking met die res van die streek. In die Omaheke-streek is grootvee meestal in ‘n redelike toestand en goed tot swak in kleinvee, terwyl dit in die Otjozondjupa-streek, en in die suidelike gebiede waar hervestigingsboere hoofsaaklik geleë is, redelik is. In die noordoostelike streke wissel vee se liggaamskondisie tussen goed tot redelik. Die algehele watervoorsieningsituasie is ‘n groot bekommernis vir die ministerie en veral in die Erongo-streek is daar groot uitdagings veral vir die Utuseb, Omatjete, Otjimbingwe, Spitzkoppe en Uis-gebiede. Die beskikbaarheid van water in die Hardap- en Karas-streke is billik. Tog het gebiede soos Snyfontein en Warmbad in die verre Suide soutwater wat nie geskik is vir vee en menslike gebruik nie.