Verdagtes vasgetrek vir vragmotorbrande   – Kosmos 94.1

Verdagtes vasgetrek vir vragmotorbrande  

Die Suid-Afrikaanse polisie het bevestig dat ‘n derde verdagte in Emalahleni, Mpumalanga, vasgetrek is in verband met verskeie vragmotors wat in die provinsie aan die brand gesteek is. Twee ander verdagtes is Donderdag in Ermelo en op ‘n plaas in Piet Retief in hegtenis geneem. Meer as 21 vragmotors is die afgelope tyd in KwaZulu-Natal‚ Limpopo en Mpumalanga aan die brand gesteek. Die polisiewoordvoerder, Athlenda Mathe, sê hulle gaan voort met padblokkades, stop-en-deursoek-operasies en ander pogings om nog verdagtes op te spoor.