Vroue ervaar aanhoudend maatskaplike vooroordele, wys studie
‘n Studie deur die Graça Machel Trust het volgehoue maatskaplike vooroordele, geslags-salarisgapings en ongelyke toegang tot befondsing teenoor vroue uitgelig. Hierdie bevindings is by die Women in Wealth 2025-beraad in Johannesburg aangebied. Die drie-daagse geleentheid is daarop gemik om ekonomiese en maatskaplike transformasie vir vroue en die jeug op die vasteland te bevorder. Die voormalige presidentsvrou, Graça Machel, het tydens ‘n hooftoespraak gevra vir toegang tot markte, finansies en beleggings ter bevordering van vroue.