VSA kongreslid vra hersiening van bilaterale betrekkinge met SA

VSA kongreslid vra hersiening van bilaterale betrekkinge met SA

Die Amerikaanse kongreslid, John James, het gevra vir ‘n hersiening van Amerikaanse bilaterale betrekkinge met Suid-Afrika, met verwysing na kommer oor die Suid-Afrikaanse regering se standpunt oor Hamas, Rusland en China, en die land se saak teen Israel in die Internasionale Geregshof. Die tweeparty-wetsontwerp aan die Kongres beklemtoon Suid-Afrika se belyning met dié regerings én sy kritiek op Israel. Die wetsontwerp voer aan dit is problematies dat Suid-Afrika Israel as ‘n apartheidstaat bestempel en van volksmoord beskuldig. Kommer is ook uitgepsreek oor staatskaping, die Transnet-verbruiksgoedere-uitvoerkrisis en die cholera-uitbreking, wat aan korrupsie en wanbestuur toegeskryf word.