Yaleen gevind, met haar ma herenig
Die negejarige meisie wat deur haar pa uit Suid-Afrika na bewering ontvoer en na Namibië gebring is, Yaleen Rachel Mare, is met haar ma herenig nadat sy Woensdag in Opuwo, in Kunene gevind is. Dit is bevestig deur die senior privaatspeurder en ondersoeker van Namibia Investigation Services, Michael Nieuwoudt. Volgens berigte het die pa, Jacob Philipus Maré, na bewering sy negejarige dogtertjie op 14 Oktober sonder haar ma se toestemming by die skool opgelaai en saam met haar van Suid-Afrika af gereis.
Nieuwoudt sê daar is ‘n klag gemaak teen die kind se pa.