Zuma se vrylating ontbloot Ramaphosa se oneerlikheid – Kosmos 94.1

Zuma se vrylating ontbloot Ramaphosa se oneerlikheid

Die Vryheidsfront Plus sê President Cyril Ramaphosa se goedkeuring van oudpresident Jacob Zuma se vonnis-vermindering ontbloot sy oneerlikheid. Die party beskuldig Ramaphosa van ontwyking van ‘n vraag oor kwytskelding twee jaar gelede, wat bewys dit was altyd ‘n moontlikheid. Die VF Plus se leier, Pieter Groenewald, sê Zuma se vrylating bewys waaraan die ANC voorkeur gee ten koste van burgers se regte en veiligheid. Hy kritiseer ook die vroeë vrylating van 9 000 misdadigers om die voormalige president se vrylating moontlik te maak.